Online ბაზრობა-აფიორები ქართულად :)

ეს პოსტი დიდი ხნის წინ მინდოდა დამეწერა, მაგრამ მოუცლელობის, უგანწყობობის და სხვათა გამო ვერ მოვაბი თავი.. დღეს ვიწყებ და იმედია, გავალ ბოლოში.

სათაურში “მარკეტინგი” რომ გამომეყენებინა, ალბათ უფრო “თაამედროვე” იქნებოდა, მაგრამ ჯერ ერთი ბარბარიზმია და მეორეც – რა თემასაც მინდა შევეხო, ბაზრობა-თვალთმაქცობაა და არა რეალური ბიზნესი.

დავიწყოთ ფასდაკლებების საიტებიდან, ასეთები მრავლადაა დღეს უკვე: hotsale, ideals, brao, swoop. vovovo და სხვ. იმდენია, ჩამოთვლაც კი შორს წაგვიყვანს. საიტებზე პროდუქცია და მათი ასორტიმენტი მრავალფეროვანია, თუმცა ყველა როდი შეესაბამება ხარისხს…

ჩემი პირველივე შენაძენიც ამის დასტური იყო. შარშან გადავწყვიტე, რომ შემეძინა თმის უთო და სწორედ მაშინ ვნახე შემოთავაზება მაღაზია “ილიტეკისაგან”

შემოდგომა…

შემოდგომა…

წელიწადის დრო, რომელიც არ მიყვარს.. თუმცა არ მიყვარს ქალაქში, სოფლად კი სულ სხვაა…

ახლაც მენატრება ალიონზე წამოდგომა, შემოდგომის სუსხის შეგრძნება და ცხელი ყავით გათბობა და პაპიდას დიდ შალში გახვევა… ვერაფერი შეედრება ჯერ კიდევ მწვანე, აქა-იქ წითელ-ყვითლად შეფერადებულ ტყეს…

ორღობეებში ატეხილ გადაძახილებს – რთველისთვის ემზადებიან კახელები…

სუნი…

დამწვარი თივის, ახლად დაწურული ყურძნის, სიმინდის გამხმარი ფუჩეჩის და ნაკელის სუნი დგას ხოლმე ამ დროს ორღობეებში. ვინც არ იცის, იქნებ გაუკვირდეს კიდეც, მაგრამ ესაა ის სუნი, სუნი კი არა სურნელი, რაც არის შემოდგომობით სოფლად და ამ ქვეყნად ვერაფერი შეედრება, ისეთი თბილია და მშობლიური…

ისევე მშობლიური, როგორც შემოდგომის ჯერ კიდევ თბილი მზე, რომელიც შუადღისით გაბატონდება ცის კაბადონზე და გულში ისე გიკრავს სხივებით, როგორც დიდი ხნის უნახავ შვილს დედა…

შემოდგომა მომნატრებია – შემოდგომა სოფლად…

ეძღვნება ჩემს უსაყვარლეს და მონატრებულ მაკას…

10 რჩევა დამწყებ ფოტომოყვარულებს

დღეს ციფრულ ეპოქაში თითქმის ყველა ოჯახში მოიპოვება ფოტოაპარატი, ან მობილურში ჩაშენებული ფოტოკამერა მაინც აქვს უმეტესობას, რაც რა თქმა უნდა, პრაქტიული და მოსახერხებელია, როცა გინდა დააფიქსირო სამახსოვრო კადრები. მით უმეტეს, რომ ამ კადრების გამოფენის არეალი ახლა უკვე ყველას დიდი გვაქვს – Facebook! თუმცა, მოდი შევთანხმდეთ – ფოტოს გადაღებისათვის არ კმარა მხოლოდ კამერის მიშვერა და თითის დაჭერა. საჭიროა კომპოზიციის, განთების და ა.შ. შერჩევა. სულ ერთია, რითი იღებთ, ტელეფონის ყველაზე მარტივი კამერით თუ ნახევრადპროფესიონალური კამერით. ზოგადად, თანამედროვე ფოტოკამერები თითქმის ყველაფერს აკეთებენ პატრონის მაგივრად – ასწორებენ ფოკუსს, ეძებენ სახეს, ღიმილს და სხვ. თუმცა, საქმე თქვენც საკმაოდ გრჩებათ.

IP – მისამართების ორობითი სისტემა და ქსელის ნიღაბი

IP დამისამართება, მისი გადაყვანა ორობითიდან ათობითში და პირიქით, შემდეგ ქვექსელების ანუ ე.წ. საბნეტის შექმნა საკმაოდ საინტერესო თემაა, თუმცა ქართულად ნორმალური მასალა პრაქტიკულად არ იშოვება, ვერც რუსულად ვნახე ვერაფერი ნორმალური, ვერც ინგლისურად, სანამ სისკოს წიგნი არ ჩამივარდა ხელში… ხოდა, გადავწყვიტე, ეს მასალა დამედო ბლოგზე, იქნებ ვინმეს დაეხმაროს ეს პოსტი

რადგან აქამდე მოხვედით და ამ სტატიას კითხულობთ, თქვენთვის აღარ იქნება საჭირო, იმის განმარტება რა არის და რა ევალება IP მისამართს, რა განსხვავებაა შიდა და გარე IP-ს შორის და ა.შ. (თუ არადა, ვიკიპედიაზეც არის ამაზე მასალა და დროს არ დავკარგავ, თუმცა, ამ სტატიის წაკითხვამდე აუცილებლად გადახედეთ, თუ არ იცით).

დღეს ვისაუბროთ შიდა IP დამისამართებაზე. ქსელის ნიღბსა და ორობით სისტემაზე. არ მინდა ძალიან გავართულო სტატია, დღეს ავხსნი საწყისებს და თუ დაგაინტერესებთ, შემდეგ პოსტებში ჩავუღრმავდები ამ თემას. ახლა კი, მივხედოთ ელემენტარულ საკითხებს.

რა ენა წახდეს, ერიც დაეცეს…

არაერთხელ გვსმენია, ან წაგვიკითხავს ეს ფრაზა, მაგრამ ვეჭვობ, ყველას ჰქონდეს გაცნობიერებული მისი მნიშვნელობა…

დღეს ბევრი წერს იმაზე, რომ ქართული ენა დეგრადაციის წინაშე დგას. თუმცა შედეგს მაინც ვერ ვხედავთ. საშინელი გაუმართავი ფრაზები თუ გამოგონილი სიტყვები  იწერება ყველგან. ამ მხრივ განსაკუთრებით ჟურნალისტები სცოდავენ. სულ ბოლოს worldsport.ge-ს ჟურნალისტის “გამოგონებამ” გამაოგნა! ციტატა:

1. აღმოჩნდა, რომ საქართველოს ნაკრების შესაძლებლობები აშკარად გადაზედმეტდა და ზოგმა გაზაფხულზე უკვე პოლონეთ-უკრაინაში წარმოიდგინა თავი;
3. გადაზედმეტდა კონკრეტული ფეხბურთელების კლასიც (თუ “კლასი” ჰქვია), განსაკუთრებით, ზოგიერთი მათგანის;

ოჰ, რა ბრწყინვალე ახალი სიტყვა შეეძინა დღეს ქართულ ენას “გადაზედმეტდა”! წაიკითხავენ ახლა ამას და აიტაცებენ 😦 თანაც ამ საიტზე ძალიან ბევრი მოზარდი შედის, გადაიღებენ მეტყველებაში და… ჩემი მეგობარი კი მეკამათება, ჯერ ქართული ფეხბურთი და მერე სხვაო. მასაც ვუთხარი და ყველას მინდა გავუმეორო: ქართველებს ანდერძად გვაქვს დატოვებული ეს გენიალური სიტყვები – მამული, ენა, სარწმუნოება… თუ ამ სამს გავუფრთხილდებით, გადარჩება სამშობლოც, ცნობიერებაც და ფეხბურთიც!!! არაა აუცილებლად ფილოსოფოსი იყო, რომ ეს გაიგო, ცოტა დაფიქრებაა საჭირო 🙂

მსოფლიოში ყველაზე ცნობილი Wallpaper-ი

ვინ არ იცის სამუშაო მაგიდის, ანუ დესკტოპის ეს ფონი, განსაკუთრებით მათ, ვინც Windows XP-სთან “აიდგა ფეხი”, როგორც კომპიუტერის მომხმარებლმა.

ეს ფონი გვხვდება დღესაც ძალიან ხშირად მათთან, ვინც ისევ იყენებს XP-ს. ასევე მისი უამრავი მოდერნიზებული ვარიანტიც არსებობს… და როგორც არ უნდა იყოს ყელში ამოსული, XP-ს დაყენებისთანავე პირველად მას იხილავთ თქვენს სამუშაო მაგიდაზე 😀

(სამარშუტო ფიქრები :-) )

ზიხარ შენთვის სამარშუტო ტაქსიში (ისე მე, მიუხედავად ჩემი ფილოლოგობისა, “მარშუტკას” ვეძახი. შეჩვევაა ესეც),  ფანჯრის მხარეს და გაჰყურებ ქუჩებს. დანიშნულების ადგილამდე მისასვლელად 40 წუთი გაქვს. ზუსტად ამდენ დროს უნდება ეს “მარშუტკა” ბოლო გაჩერებამდე მისვლას, სადაც შენც ჩამოდიხარ. 40 წუთი პლუს–მინუსით, რადგანაც სულაც არაა გამორიცხული წერეთელზე საცობი იყოს, ან სანაპიროზე მოაჯირის რომელიმე მონაკვეთი არ აქვს გარღვეული ნაღამევ, ნამთვრალევ მძღოლს. ამ ადგილას მოძრაობა შეფერხებული იქნება, სასწრაფოს მანქანები, ევაკუატორი და კიდევ ბევრი ცნობისმოყვარე მძღოლი.

საახალწლო “მკითხაობა”

გილოცავთ ახალ წელს ჩემო მკითხველებო, მეგობრებო, სრულიად საქართველოს გილოცავთ! მართალია წარმოშობით კახელი ვარ, მაგრამ ფესვები რაჭული მაქვს და როგორც ჭეშმარიტ რაჭველს ახლა გამახსენდა ერთი საახალწლო მკითხაობაც, თუმცა იმედია ძალიან არ დამიგვიანია – სანამ დაიძინებთ, მოგისწრებთ, თუ არადა ძველი ახალი წელიც ხომ წინაა 🙂

რატომ გაითიშა სკაიპი? – ოფიციალური პასუხი სკაიპის ტექნიკური ჯგუფისაგან!

მოგეხსენებათ, დღეს საღამოს სკაიპი გაითიშა უმეტესობასთან. ჯერ ითიშებოდა, ირთვებოდა და მერე სულ გაითიშა. ვეღარ შედის ვერავინ, ვისთანაც მსგავსი რამ მოხდა. ისეთი პანიკა ატყდა, მხოლოდ იმიტირებული ქრონიკის მერე რომ მახსოვს 😀 ჩემი მობილური დაიბომბა მესიჯებით – არიქა ჩემს კომპიუტერს რაღაც სჭირსო, მწერდნენ და სკაიპში ვეღარ შევდივართო. ვინაიდან მესიჯები აღარ დამრჩა, აქაც ვწერ – თქვენს კომპიუტერებს არაფერი არ სჭირს!!!

ტკბილად ნაქებო კახეთო…

ყველა ადამიანს სჭირდება ცხოვრებაში რაიმე, რაც ძალას მისცემს… ანუ, როცა ყოველდღიურობა გღლის, როცა მორალურად იფიტები და ერთადერთი რამ გინდა – დასვენება, – ამ დროს ძალის და ენერგიის აღდგენის ყველას თავისებური საშუალება აქვს. ჩემთვის ენერგიის ეს წყარო, ჩემი სოფელია….