მთავარი

არის თუ არა ეს ბილეთი!!! – ანუ შეგვიძლია თუ არა გავყიდოთ ბილეთი?

დატოვე კომენტარი

maxresdefault

ქართველებს გვიყვარს ფეხბურთი. გვიყვარს იმდენდ, რომ როცა დიდად არ გვივარგა არც შინაური კლუბი და არც ეროვნული ნაკრები, მონდომებით ვგულშემატკივრობთ არაქართველებს, ოღონდ ნამდვილი საფეხბურთო ზეიმი და სანახაობა ვნახოთ… ერთ-ერთ ასეთ ზეიმად უნდა ქცეულიყო 11 აგვისტოს გამართული სუპერთასის ფინალი, მით უმეტეს, რომ ერთ-ერთი მონაწილე კლუბი მსოფლიოში ერთ-ერთი უდიდესი გრანდია კატალონიის „ბარსელონა“. კლუბი, რომლის ფერების დანახვაზეც კი ჟრუანტელი გვივლის გულშემატკივრების უმეტესობას, კლუბი, რომლის თამაშებზეც სად აღარ ვიკრიბებოდით და ვიკრიბებით გულშემატკივრები – ჯერ იყო „სპორტ კაფე“, მერე „ივენთ ჰოლი“, „ბერნარდი“, ისევ „ივენთ ჰოლი“. ასე, 6 წელია უკვე, ვიკრიბებით იმისათვის, რომ დიდ ეკრანზე ერთად ვნახოთ საყვარელი კლუბის თამაში და როგორც წესი, ბილეთებზე ამ დროსაც ტაციაობაა ხოლმე. ამ ყველაფერს იმიტომ ვწერ, რომ გაიაზროს ყველამ, რომ ლოგიკურად, მოულოდნელი არ უნდა ყოფილიყო დიდი ინტერესი იმ თამაშის მიმართ, რომელიც დინამოზე გაიმართბეოდა და სადაც „ბარსელონა“-ს რეალურად ნახვის შესაძლებლობა ექნებოდა გულშემატკივარს. ასევე, არც „სევილიაა“ ხელწამოსაკრავი გუნდი და მასაც ეყოლება გულშემატკივარი საქართველოში, დარწმუნებული ვარ.

როცა პირველად გავიგე, რომ აწ უკვე ავადსახსენებელი biletebi.ge-ზე გაიყიდებოდა ბილეთები, გულმა რეჩხი მიყო – თეატრის ბილეთები ძლივს ვიყიდე ორჯერ მანდ და როგორ მოერევიან მეთქი ასეთი თამაშის ბილეთებს. მაგრამ მერე, თავი დავიმშვიდე, ამხელა ორგანიზაციაა „უეფა“, ამხელა მატჩია დაგეგმილი და მოემზადებიან მეთქი იქამდე. ბილეთების გაყიდვამდე შევდიოდი ხშირად საიტზე და უფრო და უფრო არ მომწონდა, ის გაუგებარი შეცდომები, რასაც შიგადაშიგ საიტი ყრიდა. მე 6 წელია IT-ში ვარ, აქედან 1,5 Windows სისტემის ადმინისტრატორი. ადმინისტრატორისთვის ეს ჯერ კიდევ მცირე გამოცდილებაა, მაგრამ აქ გამოცდილებაც  არ იყო საჭირო, უფორ მეტიც – არა IT სპეცალისტებიც ხვდებოდნენ, რომ ამხელა ინტერესს ძლიერი სერვერული სისტემა თუ გაუმკლავდებოდა… სამწუხაროდ, ყველამ ვნახეთ, რომ ჩვენი ცუდი წინათგრძნობა 22 ივნისს ბილეთების გაყიდვის დაწყებიდან 15 წუთში ახდა… სერვერი ნაჯაფარი ცხენივით დავარდა და ბილეთების მსურველები დავრჩით F5-ის და სასწაულის იმედზე… ყველას გახსოვთ ალბათ, biletebi.ge-ს წარმომადგენლების ურთიერთგამომრიცხავი განცხადებები – ხან ჰაკერულ შეტევებზე, ხან ვერ გათვლილ რაოდენობაზე, რომლის შემდეგაც „სელველმა გაწედა“. ერთი განცხადებაც და მეორეც, იყო თავის მართლების უსუსური მცდელობა. კიდევ ერთხელ გავიმეორებ – ასეთი მატჩის მიმართ ამხელა ინტერესს რომ არ ელოდო ადამიანი, რომელსაც ცოტა მაინც აზროვნება შეგიძლია – არის აბსურდი. მაშინ ჭურში უდა ცხოვრობდე და გაგონილიც არ უნდა გქონდეს ფეხბურთი რა არის. biletebi.ge-მ არათუ ვერ ან არ გათვალა ეს ყველაფერი, თავხედობა ეყო და ფეისბუქზე ათას ტყუილს წერდა, რატომღაც ეგონათ, რომ ინფორმაციულ ტექნოლოგიებთან მათ გარდა არავის ჰქონდა შეხება და მათი ქეციანი სერვერის გარდა, სერვერი არ არსებობდა საქართველოში. საქართველო პატარა ქვეყანაა (და ყოველდღიურად უფრო აპატარავებენ ჩვენდა სავალალოდ), აქ ყველა ყველას იცნობს ლამის. აიტი სფეროც ასეთია – მალე ვრცელდება ჩვენთვის გასაგები შიდა ამბები, ხოდა მოგახსენებთ – მათი პირველი სერვერი, არც მეტი და არც ნაკლები, ჩვეულებრივი სტაციონარული კომპიუტერი იყო, რომლის მონაცემებიც ბევრად უფრო სუსტია, ვიდრე თქვენი კომპიუტერის, ჩემო მკითხველო. ყოველ შემთხვევაში, ჩემი კომპიუტერი, სადაც ახლა ამ პოსტს ვწერ, იმ ე.წ. „სერვერთან“ შედარებით, ნასას სერვერია. ასე, რომ სულ ცოტა გამოცდილი სპეციალისტსაც შეეძლო განესაზღვრა, რომ ის სერვერი 500 კაცსაც კი ვერ გაუძლებდა, არათუ ამდენ ერთდროულ მიმართვას!

More

წიგნების კონვერტირება Kindle-სთვის

2 Comments

kindle_2366549b

იმდენჯერ მომპარეს პოსტი ბლოგიდან და მიითვისეს, უსინდისოდ, რომ აღარ მქონდა რაიმეს დაწერის სურვილი. მით უმეტეს, ე.წ. დამხმარე  პოსტების. ისე მიაქვთ, არც ნებართვას იღებენ, არც წყაროს აწერენ… მიწევს მერე დევნა და წაშლის მოთხოვნა. როგორც წესი, კანონის და პლაგიატთან მებრძოლების დახმარებით ეს ხერხდება, მაგრამ მაინც უსიამოვნოა – შენ პოსტს სხვასთან რომ აღმოაჩენ და სხვა იფერებს და იწერს შენს შრომას. დღეს გამონაკლისის მაგვარს ვუშვებ – იმდენი ადამიანის გასაჭირი ვნახე, ქინდლში როგორ გავხსნათ ფაილებიო, რომ გულმა არ მომითმინა.

მოკლედ, როგორ წესი, ქინდლის ფორმატია:

  1. .AZW (Kindle-specific)
  2. .TXT
  3. .MOBI
  4. .PRC

ხოლო, ელექტრონული წიგნების დიდი ნაწილი, რაც შეგვიძლია გადმოვწეროთ ინტერნეტიდან არის PDF ფორმატში.

გამოსავალი:

PDF – იგივე Portable Document Format, შეგვიძლია დავაკონვერტოთ Text ფორმატში, ჩავწეროთ ქინდლში და ვიკითხოთ ბედნიერად.

More

Online ბაზრობა-აფიორები ქართულად :)

8 Comments

sale

ეს პოსტი დიდი ხნის წინ მინდოდა დამეწერა, მაგრამ მოუცლელობის, უგანწყობობის და სხვათა გამო ვერ მოვაბი თავი.. დღეს ვიწყებ და იმედია, გავალ ბოლოში.

სათაურში “მარკეტინგი” რომ გამომეყენებინა, ალბათ უფრო “თაამედროვე” იქნებოდა, მაგრამ ჯერ ერთი ბარბარიზმია და მეორეც – რა თემასაც მინდა შევეხო, ბაზრობა-თვალთმაქცობაა და არა რეალური ბიზნესი.

დავიწყოთ ფასდაკლებების საიტებიდან, ასეთები მრავლადაა დღეს უკვე: hotsale, ideals, brao, swoop. vovovo და სხვ. იმდენია, ჩამოთვლაც კი შორს წაგვიყვანს. საიტებზე პროდუქცია და მათი ასორტიმენტი მრავალფეროვანია, თუმცა ყველა როდი შეესაბამება ხარისხს…

ჩემი პირველივე შენაძენიც ამის დასტური იყო. შარშან გადავწყვიტე, რომ შემეძინა თმის უთო და სწორედ მაშინ ვნახე შემოთავაზება მაღაზია “ილიტეკისაგან”

More

შემოდგომა…

3 Comments

290810_1111

შემოდგომა…

წელიწადის დრო, რომელიც არ მიყვარს.. თუმცა არ მიყვარს ქალაქში, სოფლად კი სულ სხვაა…

ახლაც მენატრება ალიონზე წამოდგომა, შემოდგომის სუსხის შეგრძნება და ცხელი ყავით გათბობა და პაპიდას დიდ შალში გახვევა… ვერაფერი შეედრება ჯერ კიდევ მწვანე, აქა-იქ წითელ-ყვითლად შეფერადებულ ტყეს…

ორღობეებში ატეხილ გადაძახილებს – რთველისთვის ემზადებიან კახელები…

სუნი…

დამწვარი თივის, ახლად დაწურული ყურძნის, სიმინდის გამხმარი ფუჩეჩის და ნაკელის სუნი დგას ხოლმე ამ დროს ორღობეებში. ვინც არ იცის, იქნებ გაუკვირდეს კიდეც, მაგრამ ესაა ის სუნი, სუნი კი არა სურნელი, რაც არის შემოდგომობით სოფლად და ამ ქვეყნად ვერაფერი შეედრება, ისეთი თბილია და მშობლიური…

ისევე მშობლიური, როგორც შემოდგომის ჯერ კიდევ თბილი მზე, რომელიც შუადღისით გაბატონდება ცის კაბადონზე და გულში ისე გიკრავს სხივებით, როგორც დიდი ხნის უნახავ შვილს დედა…

შემოდგომა მომნატრებია – შემოდგომა სოფლად…

ეძღვნება ჩემს უსაყვარლეს და მონატრებულ მაკას…

10 რჩევა დამწყებ ფოტომოყვარულებს

დატოვე კომენტარი

cute-girl-photographer-Favim.com-604025

დღეს ციფრულ ეპოქაში თითქმის ყველა ოჯახში მოიპოვება ფოტოაპარატი, ან მობილურში ჩაშენებული ფოტოკამერა მაინც აქვს უმეტესობას, რაც რა თქმა უნდა, პრაქტიული და მოსახერხებელია, როცა გინდა დააფიქსირო სამახსოვრო კადრები. მით უმეტეს, რომ ამ კადრების გამოფენის არეალი ახლა უკვე ყველას დიდი გვაქვს – Facebook! Winking smile თუმცა, მოდი შევთანხმდეთ – ფოტოს გადაღებისათვის არ კმარა მხოლოდ კამერის მიშვერა და თითის დაჭერა. საჭიროა კომპოზიციის, განთების და ა.შ. შერჩევა. სულ ერთია, რითი იღებთ, ტელეფონის ყველაზე მარტივი კამერით თუ ნახევრადპროფესიონალური კამერით. ზოგადად, თანამედროვე ფოტოკამერები თითქმის ყველაფერს აკეთებენ პატრონის მაგივრად – ასწორებენ ფოკუსს, ეძებენ სახეს, ღიმილს და სხვ. თუმცა, საქმე თქვენც საკმაოდ გრჩებათ.

More

პიკასო და კომპანია „ეფლი“

%(count)s კომენტარი

 

PabloPicasso-580x570

ალბათ გაგიჩნდათ კითხვა, რა შუაშია პიკასო „ეფლთან“ ? რა შუაშია და, როგორც აღმოჩნდა, სტივ ჯობსი პიკასოს შემოქმედების დიდი თაყვანისმცემელი იყო. მისმა შემოქმედებამ საკმაოდ დიდი გავლენა მოახდინა, „ეფლის“ ვიზუალური და გრაფიკული მხარის განვითარებაში. ასე მაგალითა, ჯობსმა მისი ნამუშევრები გამოიყენა „Think Different“ -ის ერთ-ერთ სარეკლამო აქციაში. ამასთან, ეს არ ყოფილა ერთი შემთხვევა – პიკასოს შემოქმედებამ იმაზე უფრო დიდი გავლენა მოახდინა „ეფლის“ პროდუქციაზე, ვიდრე ჩვენ წარმოგვიდგენია. ჯობსს თავისი მოგონებების წიგნში პიკასოს ფრაზაც აქვს ციტირებული: „კარგი მხატვრების ასლს, დიდი მხატვრები მოიპარავენო“. ამდენად, გასაკვირიც არ უნდა იყოს, რომ პიკასოს შემოქმედებამ ასეთი დიდი ადგილი დაიკავა „ეფლის“ ვიზუალურ მხარეში. More

IP–ს დაყოფა, ქვექსელის შექმნა

31 Comments

Subneting

წინა პოტში ვისაუბრე IP მისამართების ორობით სისტემაზე და ქსელის ნიღაბზე, რომელიც დაგვჭირდება ქვექსელის შექმნისას, ე.წ. საბნეტებისათვის. რადგანაც, ახლა უფრო მოსახერხებელია სიტყვის “საბნეტის” გამოყენება, სამწუხაროდ, მომიწევს ქართული ენის ნორმების დარღვევა და ამ ტერმინის გამოყენება. რისთვისაც ბოდიშს ვიხდი, მაგრამ სხვა გზა არაა, პოსტი დამწყებებისთვისაა და მათთვის უფრო ნაცნობია, ტერმინი – საბნეტი. წინა პოსტის ბმული: IP – მისამართების ორობითი სისტემა და ქსელის ნიღაბი

More

Older Entries