მთავარი

რეკლამა ჩვენებურად

%(count)s კომენტარი

the simpsons

ქართველები დიდი ხანია შევთანხმდით იმაზე, რომ ვართ ნიჭიერი მაგრამ ზარმაცი ერი. ასეთი ერთსულოვანი შეთანხმება მგონი არაფერზე არ გვაქვს საერთოდ და ამიტომაც ჩვენი სიზარმაცესთან შეზავებული ნიჭი ეტყობა ყველაფერს, მათ შორის რეკლამასაც.

მე არ ვარ მარკეტინგის სპეციალისტი, მაგრამ მეც კი ვიცი ცნობილი პრინციპები: რეკლამა უნდა იყოს ინფორმაციული, ადვილად აღქმადი და ისეთი, რომ დარჩეს თავში მნახველს. მოკლედ, რეკლამის შედეგად უნდა მოგინდეს პროდუქციის ყიდვა, მომსახურების მიღება და ა.შ.  თუკი მაყურებელს რეკლამა შეუყვარდა კიდეც, ეს უკვე ბონუსია ალბათ, მისი შემქმნელებისათვის.

ჩვენში ეს სხვანაირად ესმით მგონი. აქ მთავარი უკვე რეკლამაა. შინაარსი კი ხან პლაგიატია, ხან ბანალური, ხან ალოგიკური, ხან მარაზმი და იშვიათად – კარგი.

More

Advertisements

ვის უნდა შერცხვეს?

2 Comments

democracy1

საშინლად არ მინდოდა, ბლოგზე ასეთი მძიმე პოსტები, მაგრამ ახლა დუმილი არ შეიძლება.. მით უმეტეს, როცა ბლოგის საკონტაქტო მეილზე წერილი მივიღე სექსუალური უმცირესობის წარმომადგენლისაგან, რომელსაც უცვლელად, ე.წ. “სქრინის” სახით შემოგთავაზებთ ბოლოს, მაგრამ ჯერ სათქმელი…

გუშინ კიდევ ერთი აგრესიული შეხლა-შემოხლა ვიხილეთ და წამსვე შერცხვა საზოგადოების ფსევდო პროგრესულად მოაზროვნე ნაწილს… დაიწყეს საუბარი, რომ ქართველები ვართ ჯერ კიდევ გაუნათლებელი და ბნელი ხალხი, რომ ვართ ველურები… უკაცრავად!!! მე და ბევრი ჩემნაირი გუშინ იქ არ ყოფილა და უმეტესობას გული გაგვისკდა, როდესაც ვიხილეთ მოძღვრები ხელში ტაბურეტებით და გინებით მორბენლები… დიახ, ეს საშინელებაა! თუმცა, რელიგიის და ეკლესიის დისკრედიტაციის მოსურნეები ალბათ ბედნიერები იყვნენ, ამ ყველაფრით… ჩვენ ვიცით, რამდენი უღირსი “მოძღვარი” ჰყავს შეფარებული ეკლესიას და რამდენი ღირსეულიც მსახურობს ამავდროულად. მაგრამ უღირსების წარმოჩენა ხდება მუდამ და მთელი ეკლესიის ლაფში ამოსვრა და მერე ქრისტიანობის დაკნინების მცდელობა. ამიტომ მაინტერესებს, ვინც მსგავს მიდგომეს ეთანხმებით, წაკითხული გაქვთ თუ არა, ძველი ან ახალი აღთქმა, სახარება, ანდაც ბიბლია? ვეჭვობ არა. წინააღმდეგ შემთხვევაში, ქრისტეს და ქრისტიანობას არ გააგიგივებდით ადამიანებთან! ასე, რომ სიბნელე და გაუნათლებლობა თქვენსკენ მოიკითხეთ, არც თქვენ ხართ ნაკლებნი ამ ხალხზე, თქვენი მწვალებლური ბუნებით! იგივე ითქმის იმ ხალხზეც, ვინც დაარბია თუნდაც სამარშრუტო ტაქსები და არც უფიქრია, რომ სხვა მოქალაქეებსაც შეუმქნეს საფრთხე. დიახ, აკლიათ რელიგიური და ზოგადი განათლებაც, აკლიათ შეგნებაც, მაგრამ ამით თქვენ მათზე მაღლა ვერ დგებით, ფსევდო ლიბერალებო!

More

უნდა აიკრძალოს თუ არა აბორტი

13 Comments

abortion-mychoice

 

 

 

 

 

 

 

 

 

 

 

 

 

ცოტა უცნაურ საზოგადოებაში გვიწევს ახლა ცხოვრება. აიტაცებენ რაღაც თემას და ითხოვენ მის გატანას.. ამჟამად აბორტის აკრძალვის თემაა აქტუალური. ბევრგან წავაწყდი სიკუსიას, ბევრი პეტიცია თუ ჯგუფი შემომთავაზეს, რომ ხელი მომეწერა აკრძალვის მოთხოვნისათვის. არ მოვაწერ ხელს და ვეცდები ავხსნა, რატომ..

დასაწყისშივე მინდა, ხაზგასმით აღვნიშნო, რომ აბორტის კატეგორიული წინააღმდეგი ვარ მე პირადად, ჩემთვისაც ის მკვლელობაა, თუმცა აკრძალვა არ მიმაჩნია გამოსავლად. ეს უფრო დაამძიმებს ისედაც რთულ, დემოგრაფიულ მდგომარეობას, რადგან იატაკქვეშა აბორტმახერები მომრავლდებიან, რომლებიც კაცმა არ იცის, როგორ და რა პირობებში გააკეთებენ ამ ურთულეს ოპერაციას. თუკი, ახლა წელიწადში 36 000 ბავშვი არ იბადება (სტატისტიკა მართლაც შემზარავია), აკრძალვის შემდეგ მზად ვართ, რომ 36 000 ახლგაზრდა ქალიც მოკვდეს?

საერთოდაც, როცა ჩანასახის სიცოცხლის უფლებაზე ვსაუბრობთ, ქალების უფლებებიც არ უნდა დავივიწყოთ. არავის, არ აქვს უფლება, ქალს აიძულოს ორსულობა. სიტყვაზე, სახელმწიფო მიხედავს უკვე დაბადებულ, არასასურველ ბავშვს, რატომ გვავიწყდება, რომ ორსულობა მთელი რიგი ფიზიოლოგიური პროცესებისგან შედგება. ჯერ ერთი, ორსულს კარგი კვება და მოვლა უნდა, შემდეგ მინიმუმ ორი სეზონისათვის მან გარდერობი მთლიანად უნდა განაახლოს, რადგან ზომები იცვლება, ბუნებრივია. ბევრ ქალს არ სურს ეს, ან არ აქვს საშუალება. შესაბამისად, არავის არ აქვს უფლება, ქალს აიძულოს გამრავლების ობიექტად, ინკუბატორად ყოფნა, ეს ქალთა უფლებების დარღვევაა და ყველამ ვიცით, როგორ პირობებში ცხოვრობენ უარყოფილი ბავშვები, თავშესაფრებში. ჯერ შექმენით პირობები ბატონებო და შემდეგ ისაუბრეთ აკრძალვაზე!!! ამასთან, როცა სხვა საკითხების გათვალისწინებისას ვსაუბრობთ რელიგიური უმცირესობების შესახებ, ახლაც არ უნდა დაგვავიწყდეს ეს კატეგორია.

More

სულში ჩაფურთხება მოდაშია?..

11 Comments

free words

ვისაც ინტერნეტ მედიასთან და სოც.ქსელებთან შეხება აქვს, ეცოდინება რაოდენ მოდაშია ახლა ათეისტობა, უფრო სწორად ფსევდო ათეისტობა. მათგან რამოდენიმე კატეგორიის გამოყოფა შეიძლება: ერთნი, ვისაც რელიგია არ ‘”უშლის” არაფერს, მაგრამ საქართველოს მართლმადიდებელი ეკლესია აღიზიანებს. მეორენი, რომელიც გმობს, რელიგიასაც და ეკლესიასაც. ხოლო მესამენი უფრო რწმენაში ვერ გარკვეულნი არიან “ღმერთის სწამთ, მაგრამ მრვდლების არა”. ჩემი პოსტის მიზანი არავის განსჯა არაა. არც ვინმეს აღზრდას ვაპირებ, მაგრამ როცა მგონია, რომ სულში მაფურთხებენ, განსაკუთრებით მეორე კატეგორიაში შემავალი ადამიანები, დუმილი აღარ მინდა…

More

დაბალი დონის საზოგადოება

5 Comments

people

ბევრს ეწყინება ახლა ეს პოსტი, ვიცი, მაგრამ გული რომ მტკივა, ამიტომ უნდა დავწერო და არა იმიტომ, რომ ვინმეს ჯავრი მჭირს…

დღეს ჩვენი საზოგადოება, დაბალი დონისაა სამწუხაროდ! რა თქმა უნდა, არიან ნორმალური და განვითარებული ადამიანები, მაგრამ საკმაოდ ცოტა, ისინიც იკარგებიან ამ მასაში და საერთოდაც, უკვე თეთრ ყვავებად ჩანან, რადგან ზრდილობა და ინტელექტი მასისთვის დასაცინი და მიუღებელი გახდა… რა თქმა უნდა, რაც რთული შესაძენია და არ გაქვს, შეიძლება შეგშურდეს კიდეც და ბოღმისაგან დასცინო სხვას..

More

“ქალური ლოგიკა” თუ უვიცების შოუ???

20 Comments

qaluri logika nagavshi

ახლა გადამერთო შემთხვევით იმედზე და კინაღამ ინფარქტი მივიღე მართლა. ამ თვალებფახულა, ძუძუ-მკერდ-ბარკალ უხვად მოშიშვლებულმა გოგოებმა არ იცოდნენ მაგალითად, საქართველოს პირველი პრეზიდენტი (ერთს ამჟამინდელი პრეზიდენტი ეგონა, პირველი სულაც!). მეორე კითხვა კი საერთოდ “ინტელექტის” ზეიმი და მწვრევალი იყო.

More

რა ენა წახდეს, ერიც დაეცეს…

7 Comments

ilia chavchavadze deda ena

არაერთხელ გვსმენია, ან წაგვიკითხავს ეს ფრაზა, მაგრამ ვეჭვობ, ყველას ჰქონდეს გაცნობიერებული მისი მნიშვნელობა…

დღეს ბევრი წერს იმაზე, რომ ქართული ენა დეგრადაციის წინაშე დგას. თუმცა შედეგს მაინც ვერ ვხედავთ. საშინელი გაუმართავი ფრაზები თუ გამოგონილი სიტყვები  იწერება ყველგან. ამ მხრივ განსაკუთრებით ჟურნალისტები სცოდავენ. სულ ბოლოს worldsport.ge-ს ჟურნალისტის “გამოგონებამ” გამაოგნა! ციტატა:

1. აღმოჩნდა, რომ საქართველოს ნაკრების შესაძლებლობები აშკარად გადაზედმეტდა და ზოგმა გაზაფხულზე უკვე პოლონეთ-უკრაინაში წარმოიდგინა თავი;
3. გადაზედმეტდა კონკრეტული ფეხბურთელების კლასიც (თუ “კლასი” ჰქვია), განსაკუთრებით, ზოგიერთი მათგანის;

ოჰ, რა ბრწყინვალე ახალი სიტყვა შეეძინა დღეს ქართულ ენას “გადაზედმეტდა”! წაიკითხავენ ახლა ამას და აიტაცებენ 😦 თანაც ამ საიტზე ძალიან ბევრი მოზარდი შედის, გადაიღებენ მეტყველებაში და… ჩემი მეგობარი კი მეკამათება, ჯერ ქართული ფეხბურთი და მერე სხვაო. მასაც ვუთხარი და ყველას მინდა გავუმეორო: ქართველებს ანდერძად გვაქვს დატოვებული ეს გენიალური სიტყვები – მამული, ენა, სარწმუნოება… თუ ამ სამს გავუფრთხილდებით, გადარჩება სამშობლოც, ცნობიერებაც და ფეხბურთიც!!! არაა აუცილებლად ფილოსოფოსი იყო, რომ ეს გაიგო, ცოტა დაფიქრებაა საჭირო 🙂

More